AMC ambassador thar Vanlalnuntluangi
Miss Grand India 2025-a 1st Runner Up Vanlalnuntluangi chu Aizawl Municpal Corporation (AMC) ambassador a ni ta.
Vawiin khan AMC Auditorium, Thuampui-ah Miss Grand India 2025-a 1st Runner Up Vanlalnuntluangi, Thuampui Veng lawmpuina leh chawimawina hun AMC bul tuma hman a ni a, hetah hian ambassador atan sawm niin, Miss Vanlalnuntluangi hian AMC sawmna hi a pawm nghal a ni.
He huna hian Aizawl Mayor Lalrinenga Sailo chuan India ram inelna sang taka 1st Runner UP ni thei kan nei chu chhuanawm a tih thu sawiin, MC Ambassador a nihna anga Aizawl khawpui hmasawnna tura hmalakna kawng hrang hrangah leh faina kawnga AMC puibawm zel tur leh Aizawl mipui te, thalai te leh naupang zawk te kawngdik kawhhmuhtu ni turin a chah.
Mayor hian AMC hminga lawmpuina thuziak leh sum fai Rs 100,000 (nuai khat) a hlan nghal a ni.
